تازہ ترین
ur
بنیادی صفحہ » نوشتانک » تہلگانی ہمپان—-دادالرحمان سلیمی

تہلگانی ہمپان—-دادالرحمان سلیمی

دنتانانی بیماری ءِ درمان و علاج

1۔ہلگدار ءِ جاہگ ءَ چہ دنتان ءِ درد ساکن بیت۔ و ہمے رنگ ءَ گیشّترّ ءِ بر ءِ جاہگ ہم پہ دنتان ءِ درد ءَ جْوان انت۔
2۔سیاہیں اسپنتان ءِ دیّت دیگ پہ دنتان درد ءَ سکّ فائدہ مند انت۔
3۔تْرپشیں توت ءِ تاکانی آپاں گوں گُلگُل جنگ پہ دنتان ءِ درد ءَ مجرب انت۔
4۔پہ دنتانانی حفاظت ءِ ہاترا اگن مردم ماہے ءِ گیشریں روچاں سرکہ و بینگ ہور بکنت و دنتاناں مالش بکنت سک فائدہ مند انت۔
5کرپدانک ءَ گوں دنتان ءِ دیّت دیگ ءَ چہ درد ہم آرام بیت و کِرم ئِے ہم مِرنت۔
6۔گزّ ءِ گراستگیں آپاں گوں گُلگل جنگ ءَ چہ آریکّ ہم مضبوط بنت و دنتان ءِ درد ہم ہاموش بیت۔
7۔اگن دنتان ءِ درد ءِ سَوب سردی انت گڑا آئی ءَ گوں زنجبیل ءَ مالش بکنت اگن آپ ئِے کشتگ گڑا گوں سرکہ ءَ گلگل بجنت و اگن آئی ءِ درد ءِ سبب گرمی انت گڑا سرکہ و آپ یک اندازہ ہور بکنت و گلگل بجنت انشاء الله درد آرام بیت۔
8۔مردمے سر ءِ میداں اگں بسوچ ئے و گلاب ءِ تیل ءِ تہا مان کنگ ءَ رند مخالف نیمگ ءَ گوش ءِ تہا پٹّینگ ءَ دنتان ءِ درد آرام بیت۔
9۔پہ دنتانانی ساپ و سلّہ کنگ و چر آہاں گندگیں مودانانی خارج کنگ ءِ ہاترا جہل ءِ درمان سک نفع مند اَنت۔
پہ لگاشگ ءَ :زنجبیل گوں سرکہ و بینگ ءَ و سرکہ گوں واد ءَ و سرکہ گوں گُنج ءِ کالک ءَ و گوں عاقر قرحا ءَ جوان انت۔
10۔پہ دنتانانی دیّت دیگ ءَ اے درمان جوان اَنت :
گہتر ہمیش انت کہ گوں چِپِّی ءَ دیت کنگ بہ بنت گُنج ءِ روتگ یا دانگ بزاں توم یا ہردل یا ہر ءِ سُرمب یا پیمازی توم یا کہ مورت ءِ تاک یا موری بزاں مولی یا عاقر قرحا۔

٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*