تازہ ترین
ur
بنیادی صفحہ » شاعری » شپ ءِ سورت

شپ ءِ سورت

شپ ءِ سورت.
منی ہستی ءِ مندیل ءِِ سرا ایر اِنت
ہمے رنگ ءَ کہ سکرات ءِ بدیں ساہت من ءَ مار اِیت
ہمے رنگ ءَ کہ سہکندن منی بیوانکی ءَ چو کودکیں زہگ ءَ دمانے لیب داران کنت
گشئے است اِنت
چہ آزمان ءَ ہما دیما دگہ دنیائے شاہگانیں
کہ اودا مہلب ءُ ہیر ءُ کلمپر جلگہیں زید ءِ پریاں سہت ءُ سنگار اَنت
کہ اودا تنی اِیں مارشت زبان ءِ چہرگردی ءِ سکینَ ءِ جنتر ءَ جاہنت
کہ اودا شیپ ءُ چِیلانی تہا تریاک ءِ سِیکّانی ہبر کسّ ءَ نئیت دیما
شَپ ءِ سورت.
منی ہستی ءِ مندیل ءِ سرا ایر اِنت
نپس کَشّیت چو ارواہ ءِ ہما ارمان ءِ توجیل ءَ کہ بے مزّ اِنت
بگندئے شِیرزنیں کُنگر
دمانے ءَ وتی جہد ءِ ھواگردیں تب ءَ چاریت
کہ کاٹاراں دوگوشیں پونز پِر بوتہ
یا آشوب ءِ شدیکیں شیکن ءِ پتکینک بے مول اَنت

شَپ ءِ سورت
منی ہستی ءِ مندیل ءِ سرا ایر اِنت
چہ رژناہی ءِ کندیل ءِ حیال ءَ رند سہرا بیت

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*