تازہ ترین
ur
بنیادی صفحہ » شاعری » مردگانی عہد—-علی جان داد

مردگانی عہد—-علی جان داد

اے عہد مردگانی اِنت
کہ هر دمان وساعتءَ
پہ زندگاں شگانی اِنت
اےعہد مردگانی اِنت
کہ شانتلانی زہیر نالیں
زیمرانی زِیلّ ءِ روح آگہ اِنت و
چم واب کپتگ اَنت
اے عہد مردگانی اِنت
جنین زہگے میتگ ءِ
پہ زمبے نان ءِ هاترا
شپاں وتی گس ءَ نئیت
بہا کنت لجّ ءِ گوہرءَ
کہ گوریں زندگیءِ وام بلکنہ ادا بہ بنت
اے عہد مردُگانی اِنت
کہ هر کسے چہ هرکسءَدرآمد اِنت
آشنائیءِ دْرہیں چراگ مرتگ اَنت
نہ سیادی یے
نہ سنگتی
نہ دوستی نہ دژمنی
اے عہد مردگانی اِنت
کہ زندگے مہ زانت من کجام اوستءَزندگاں!!

٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*