تازہ ترین
ur
بنیادی صفحہ » شاعری » امام آزاد

امام آزاد

اشکند واہگانی توپان بیت گْوزیت

ساہیلیں تئی گم ءِ جُڑ ارزان بیت گْوزیت

تئی جلوہانی موسم شنگیت مئے اندر ءَ

مئے دیدگانی چاہڑ سبزاں بیت گْوزیت

چاگرد ءِ متلبی آں ہلوت بہا کُت اَنت

کوہانی دامُن ءَ ہُون شنزان بیت گْوزیت

بچکندگاناں یکّے ہیرات کنت و رؤت

یکے دل ءِ دیار ءَ گْریوان بیت گْوزیت

تئی عشق ءِ نور آزاد مئے زرد ءِ چہرگ اِنت

ہر روچ دیدگاں مئے دْرپشان بیت گْوزیت

٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*