تازہ ترین
ur
بنیادی صفحہ » شاعری » دستونک—-خُدابخش صادِق

دستونک—-خُدابخش صادِق

 

گلّہ ءِ رون و موش ہلاس نہ بیت

مردُم ءِ کُشت و کوش ہلاس نہ بیت

 

سِنگ داں موم ءِ پیم ءَ آپ نہ بنت

شیشگ ءِ پُرشت و پُروش ہلاس نہ بیت

 

چُک دہکان ءِ کُشتگ اَنت گُژن ءَ

واجہ ءِ عیش و نوش ہلاس نہ بیت

 

ما چو کوہ ءَ وت ءَ کُتگ مُہکم

مئے دل ءِ جزم و جوش ہلاس نہ بیت

 

تو شموشگ نہ بئے پہ اَرزانی

صادق ءِ مہر چوش ہلاس نہ بیت

 

٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*