تازہ ترین
ur
بنیادی صفحہ » شاعری » عیدئِ نوک—-علی تگرانیؔ

عیدئِ نوک—-علی تگرانیؔ

 

نوک ئَ عیدئِ کن سلام

تئی آہگ ئَ من چو گلاں

من بیتگاں لب وملام

حون بیتگاں راج ئِ تلام

حون بیتگاں ہرجاہ شلاں

تئی آہگ ئَ من چو گلاں

ماتانی جیگ بند تل تلاں

دست بیتگاں مئے اشکراں

دل سوجیگیں سوتکہ جلاں

پاد بستگ انت گوں سانکلاں

انچو سُچنت جسم وبدن

ارس ئِ بدن حون ئَ شلاں

گنداں من ڈیہ ئِ سیمسراں

آس داتگنت جوریں بداں

مانداشتگنت شومیں رداں

عیدئِ نوک ئَ کن سلام

تئی آہگ ئَ من چو گلاں

چوںمن پس وکوش کناں

دستاں چتور ہِنّی کناں

گنداں گُہاراں پُرسیگ اَنت

بچ ناسُکیں گیمُرتگنت

لوگ ودوار مانداشتگنت

پیروکماش اش بُرتگنت

پادئَ علیؔ گوں ہمسراں

ہمراہ بہ بئے ڈیھ ئِ یلاں

٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*