بنیادی صفحہ » شونگال » مرچیگیں لبزانکءِ کِرد

مرچیگیں لبزانکءِ کِرد

 

لبزانک چی یے؟ اگاں ما گوں ہُورت نگاہی  ءَ بچار ایں تہ لبزانک بُندر ءَزِند ءِ کچّہ چینی ءَکنت۔آ، تُریں آزمانک ، کسمانک و گِداریا شاعری ءِ دْروشم ءَبہ بیت۔اے گپّ وَ پدّر اِنت کہ لبزانک ءِ ہستمان گوں زِندمان ءِ جتا جتائیں وئیل و چِست و ایراں گوں ہمگْرنچ اِنت۔چیا کہ لبزانک بنیادمی زِند ءِ جتا جتائیں تکانی جہگیر و نمائندگ اِنت۔کُجام ہم نبشتہ کارے کہ ہما دور و زمانگ ءَکہ زِند گْوازینگ ءَاِنت آئی ءِ ساچِشت الّم ءَ ہما دؤر و زمانگ ءِ وڑے ناں وڑے عکس ءِ شونداری ءَکنت۔ماں چاگردءِ تہا لبزانک ءِ ارزشت ءِ درورے چوش ہم دَیگ بُوت کنت کہ ہمینچو تہاری گیش بُوہان بہ بیت  تہ مردُم رُژنائی ءِ گیش کنَگ ءِ جُہد ءَکنت گوں رُژن ءِ گیشی ءَتہاری وتی گندلاں پیچان کنت و دگہ دُنیایے ءَسر گیپت۔

مرچی کہ  ما وتی چاگرد ءِ چاریں نیمگاں نگاہاں شانک دئیں…… ہمک نیمگ ءَزُلم و ناانساپی ءَ جہان سرا  زُرتگ و جہان ءِ چاریں آتْراپ ءَ گِر و چیل و جنگ ءِ تُرسناکیںجمبر مانشان انت۔ہرکس وتی واجہی ءِ منّارینگ ءِ جُہد ءَاِنت۔ہر یک مردُمے، ہر یک مُلکے وت ءَ               سپر پاورے منّارینگ ءِ کوشست ءَہمک ناروائیں کار ءِ کنَگ ءَ چاڑکہ و ساڑی اِنت۔

چُشیں جہانی جاورانی تہا مرچی لبزانک کُجا اتکگ و اوشتاتگ؟ تاں چے حدّ ءَ جہانی جاورانی سارتینگ ءَ لبزانک گِندگ ءَکئیت؟تاں چے حدّ ءَلبزانک ءَ چاگرد ءِ گاریں قبلہ ءِ تچک ءَکنَگ ءَ وت ءَ لانک بستگ و تیار کُتگ؟

اے لہتے انچیں جُست اَنت کہ لبزانک ءِ ہمک  سنجیدگیں وانوک اے جُستانی پسّوانی شوہاز ءَہمک سہت و دمان پہ جیڑگانی منزلے ءِ نیمگ ءَسر گیپت و تاں لہتے پند ءَرؤت و واترّیت۔یک سنجیدگیں وانوکے ءِ جہت ءَ شُما ہم اے جُستانی دُمبال ءَ شُت کن ات ۔ ماہتاک "بلوچی” ءِ تاکدیم پہ شُما ساڑی اَنت، اے رِد ءَ شُما چے گُش اِت ؟

اے جُست ءَما پہ شُما یلہ دئیں۔

وشّ اِنت پہ وشّیں روچانی باندات ءَ

 

 

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*