بنیادی صفحہ » نوشتانک » کردِشتانی ِگندو نند—-قدیرساگرؔ

کردِشتانی ِگندو نند—-قدیرساگرؔ

وانوکءِ کتابانی وانگءِ مراد دربرگ انت ِسکگ انت و راہے گچین کنگ انت۔وانوک ءَ ہرچ شے یے کہ نپ دنت اے تکءَ آ ،وانیت۔
گپ بامردانی گلِگدار interview ءِ کئیت۔یک کردشتے وہدے سوبینیءِ سیمسراں رسیت گڑا آئی پشتءَمزنیں جہدو کوشست،غم و سکی،تچ و تاگ و چمانی اُردگ و پادانی ہیردگ وہید ریچی ءِ کسہ یے ہوار بیت۔
اے کسہءَگلِگدار گروک ہما کردشتءِ جندءِ زبانءَ record کنت و وانوکءَ سر کنت۔
لبزانکءِ اگاں نمیرانیں مراد ساحرؔءِ ازم و زندءِ گندو نندءِ گپ بہ بیت تہ اےگلگدارلبزانکءِ منّت اِنت کہ مراد ساحرءِ شاعریءَ ہوار آئیءِ بزگی ءِ ہال وانوکءَ سربیتگ کہ آئیءَ پیراں سری ہم لاپءِ دوزہءِ آسءَ توسگءَ سوزوکی ہلاہینتگ۔ادا ہما وانوکءَ کہ مراد ساحر تہنا شاعریءِ دنیاءَ دیستگ بلئے گلگدارءَ آئیءِ جندءِ وتی سرگْوستءَ وت بیان کنت و وانوک وتی دلدوستیں کردشتءَ گیش نزّیک بیت۔ہمے وڑا عطاءِ بےگْوازیں اِزمءِ گلگدارانی کتاب بہ بیت یا سید،کریم ،ندوی، عبدالصمد امیری،اشرف سربازی، عبداللہ جمالدینی،صبا،قاضی،منیر،ناگمان،تاج بلوچ،ضیا بلوچ،اے آر داد و ایدگہ بلوچی لبزانکءَ ہمگرنچیں کردِشتانی گلگدار بہ بنت کہ وانوک چرآنی وانگءَ پد بلوچی لبزانکءِ پندو بانداتءِ اٹکلءَ جوانیءَ جت کنت و وتی وہدءَ کیمتی کنت۔
ہمے وڑا زیمل و تامرساچی ءِ پڑءِ کردشتانی گلگدارانی وانوک ناکو فیض محمد،استاد عبدالستار و نورخان ءِ لیکہءَ زیملءِ بابتءَ پوہ بنت۔و ڈاکٹر حنیف شریف،انور غلام ،سرفراز و وقار بلوچ تامرءِ دنیاءَ بلوچءَ چےدَیگ لوٹنت چرآنی گلگداراں سہرا بیت۔
نمیرانیں شگراللہ بلوچ ءِ کمنٹمنٹ چے بیتگ گوں آرٹءَ وآئی زندءِ گڈّی روچ چوں آسر بوتگ انت۔حسن یادگارزدہ،سیما سردارزی، آرٹءِ دلبندءَ بلوچءِ زندمانءَ گوں رنگاں کجام مانا دیگءِ واہگدار انت۔
ہرچ پڑےءِ کردِشتءِگلگدارءِ وانگءَ وانوک چہ نپءَ زبہر نہ بیت ۔گلگدار ءِ وانگءَ چہ وانوک ڈائریکٹ وتی دلدوستیں پڑءِ دلدوستیں کردشتءَنزّیکءَ گندیت آئیءِ مہرو دردءَ وتی باتنءَ ماریت۔
٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*