تازہ ترین
ur
بنیادی صفحہ » نوشتانک » لبز و آہانی مانا……جمیل دیدار

لبز و آہانی مانا……جمیل دیدار

کابیل: ڈگار ءِ بند ءِ بن ءَ ہمودا کہ آپ کّمو دیراں جلیت۔

ہَرِن کاپ : ڈگار ءِ بند ءَ را حاک پِر دئیگ۔

آسانک: ہمے کہ گوکانی سرا ڈگار ءِ بندا حاک پِر دئیگ بیت۔

بندگاہ: ڈگار ءِ بنداتی بند کہ پہ دگہ ڈگارے ءَ آپ گوازینگ بیت۔

کاسہ بند: ہما اِنت کہ ڈگار ءِ دپ ءَ کسانیں بندے کہ چہ بند گاہ ءَ پچ کنگ ءَ رند ہمے ڈگار ءِ سرجمیں آپ در مئیت۔

کنڈ جاہ: ہمیش کہ ڈگار مدام یکیں جاگہ ءَ آپ ءَ سندیت۔

سُمپ (سُّپ): ڈگار ءِ آپ ءِ در آئیگ ءَ پد ہما بند ءِ چیر پچ بیت ۔

مُشک: ہما وہدا کہ ڈگار ءِ آپ چہ بند ءِ چیر ا در آیگ ءَ بیت۔

ہنکاپگ: ڈگار ءِ تہا ہما زمین کہ بُرز تِر انت۔

اِیر آپگ: ڈگار ءِ ہما جاگہ کہ نرم و جہل تِر انت۔

ننگار: ہما انت کہ کِشگ ءِ ساہت ءَ زمین ءِ چیرا اِنت۔

کمیر: ننگار ءِ بن ءَ آسنے بستگ کہ پہ کِشگ ءَ ارزانی بیت۔

شتنگ: ہمے دراجیں دار اِنت کہ یک سرے ننگار ءَ بستگ و دومی نیمگ ءَ جگ ءَ بستگ۔

جُگ: دوئیں گوکانی گردِن ءَ ایر اِنت۔

مُشت: ہمے کہ ننگار ءِ وہدا دست ءَ گِرگ بیت۔

کپاتگ: ہمیش اِنت کہ ننگار ءِ پُشت ءَ بستگ و آئی ءِ تہا دان ریچ انت۔

کُٹ: ہما انت کہ گوں داناں لانک ءَ بستگ۔

شَت: ہمیش اِنت کہ گوکانی ہسکّل کَنگ ءِ ہاتر ءَ دست ءَ بیت۔

ہوشُم : جُگ ءِ اے سر و آسر ءَ پہ گوکانی دارگ ءَ دو دار بستگ۔

شلی بند: ہما ساد اِنت کہ دوئیں ہوشّماں بستگ انت و پدا گوکانی گردِن ءِ چیر ا گْوازینتگ انت۔

درہمدان: ہما جاگہ ءَ کہ شتنگ گوں ننگار ءَ ہوار بیت۔

پوستاد: ہما ساد اِنت کہ گوک ءِ پونز سُپتگ و مان کتگ و پدا کانٹانی میان ءَ بستگ۔

سَرَمساد: ہما ساد اِنت کہ گوک ءِ سرا مان لگوشتگ اے ساد سر برا سے تل چیرا دو تل و گوک ءِ گوش ہمے ساد ءِ گوازینتگ اَنت۔

دَلیل: کسانیں سادے کہ گوک ءِ کانٹانی میان ءَ سَرَم ساد و پوستاد ءَ گوں ہور بستگ۔

مہار: ہما دراجیں ساد اِنت کہ دلیل ءَ گوں بستگ۔

بُن ساد: لوپ داتگیں سادے کہ میھ ءِ گوما زمین ءَ ٹُکّگ بیت، ہمے داتگیں ساد ءَ گوک و پس بندگ بنت۔

گْومس: یک بارگیں دارے کہ ہُشتِر ءِ پونز ءَ مان اِنت۔

رہت: ہمیش انت کہ ہُشتِر پہ بار ءَ الّمی اِنت۔

تنگ: ہما ساد اِنت کہ اشتر ءِ لاپ ءَ چیر ءَ گوں رہت ءَ بستگ۔

پَاردُوم: اے ساد گوں رہت ءَ مدامی ہمگرْنچ انت و اُشتر ءِ لٹک ءِ چیر ءَ انت۔

ہورگ: رہت ءِ کش ءِ ہمے دارانی چیر ءَ بزیں چیز ءِ ۔

کید: اُشتر ءَ چرگ ءِ وہداں دساں کمو تِنک بندگ بیت و ایشی ءَ را پانْد اوں گشگ بیت۔

پِینڈ: یک دراجیں سادے کہ اُشتر ماں بنجاہ ءَ بندگ بیت۔

کلمپوگ: ہمے کہ پہ سر ءِ روگ ءَ مچّ ءِ کَش ءَ پر انت۔

لَٹ: ہمے کرز دنیگہ تاک اِش پر انت۔

کَرز: وہدے پیشانی تاک دور کنگ بیت۔

گْونگ: ورنا و نوک رستگیں مچ۔

سْرمپگ: نا ءِ سر بر ءَ کلا ءِ ۔

گَڈّگ: ناہ ءِ توکا مان انت و آئی ءِ سر گوں سُرہپگ ءَ ہور انت۔

کانزْگ: ہمے مچّ ءِ براں گوں ہوار اِنت کہ گشّ ءَ دو کئیت و اُلمب پِر کنت۔

پِینَگّ: کسانیں و نہ رستگیں ناہ ءِ دانگ۔

چل: ہشکیں ناہ۔

پالوپ: ہما ساد کہ پَس بندگ بنت۔

بُلم: اے سئے رِیسیں سادے پس ءِ گٹ ءَ بندگ بیت۔

جالگ: ہما گد کہ لوت کنگ بیت و پس ءِ گوداناں بندگ بیت۔

اَمبرین: پس ءِ مودانی چنگ ءَ کار مرز بیت۔

زَگر: پس ءَ چہ نوک دشتگیں شیر، ایشان ءَ زگرگ اوں گشگ بیت۔

دَستگانی: ہما دار کہ جنتر ءَ پہ درْشگ ءَ ترین اِنت۔

چُگ: کسانیں دارکے کہ جنتر ءِ سر بری تل ءَ توکی نیمگا اِنت۔

ترْپُک: اے تراشتگیں دارے کہ جنتر ءِ چیر ءِ تل ءَ سمب کتگ و چُگ ہمائی ءِ میان ءَ ترّایت۔

کَسَگ: درتگیں مشک ءَ را پہ آپ ءِ دارگ ءِ واستہ جتک ءِ سر ءَ بند اَنت۔

ترْپل: اے اوں پہ درتگیں مشک ءَ کار مرز انت۔

دپ بند: مشک ءِ دپ ءِ بستگیں ساد۔

بُن بند: اے ساد پہ ترْندی ءَ مشک ءِ بُن ءَ بستگ۔

کلیگّ: کسانیں مشکے کہ شوانگاں ماں جنگل ءَ پہ آپ داری ءَ بڈ ءَ انت۔

اِینزَک: اے اوں کسانیں مشکے کہ ایشی ءِ تہا گوک ءِ شیر منتگ بنت۔

شِیرینچ: اشی ءِ تہا شیر ایرریچگ بیت۔

تِلکک: ہمودا کہ مشک گوں آپاں درْنجگ بیت۔

کلیر پاگ: ہمے وہدءَ کہ کلیر بَر انت۔

مِنج: کہیر ءِ پُل ۔

شَنگّر: کہرائی بَر۔

کاہ دان: ہما درچک کہ ہشکیں کاہ دان مان کنگ بیت۔

شُر: کوہانی دیم ءَ ایر کپگ ءِ راہ ۔

کَرْپ: ماں کوہ ءَ پٹکیں رُستگیں درچکے کہ ایشی ءَ را کنٹگ پِر۔

پُترونک: اے اوں کوہی درچک ءِ ۔

آچار: اے کوہانی ہما سنگ اَنت کہ ایشانی چیر ساہگ اَنت و ہمک بینگ ءِ وہد ءَ مسگسک بند اَنت۔

شِیِکن: ایشی ءِ تہا آرت ایر بنت۔

پَتکینک: ہما آرت کہ نان ءِ پچگ ءِ وہد ءَ کارمرز بیت۔

چل: ہما انت کہ آس روک کنگ بیت۔

تِین: ایشی سر ءَ نان پچگ بیت۔

کُتَدان: ایشی ءِ سئے پاد انت اے آس سرا ایر کنگ بیت و تینّ پدا ہمیشی ءِ سرا ایر کنگ بیت۔

پُرانی: ہما نان کہ اِشکرانی پچگ بیت۔

درْنگو: اے لوگ ءِ دیما درْنجگ بیت و نان پدا ایشی ءِ سرا ایر بیت۔

تانوک: ایشی ءِ سرا نان چانگ گرد کنگ بیت۔

بیلڈ: تراشتگیں دار ءِ دو دستگ ءِ پِر و ایشی ءِ سرا نان پراہ کنگ بیت۔

بَتَگ: کوہی پیش ءِ میان ءَ بارگیں تاکے مان انت کہ ایشی ءَ را پہ سواس بندے بنگیج کنگ ءَ کارمرز کننت۔

پِڈ: کوہی پِیشّ ءِ چپ و چاگرد ءَ زرد رنگیں بارگیں ٹال انت۔

ملِیر: ہمیش انت کہ کوہ ءِ پیشّ شِینگ بیت و ہوری ءَ ریسَگ بیت۔

جَتک: ہمے رستگیں پیش چوپَگ بیت۔

تَکُل: ہمیش اِنت کہ چپتگیں پِیشّ ءَ راپَتن پتن ءَ گوْپگ بیت۔

سواس: چپتگیں جَتک یکبر ءِ آپ ءَ کنگ بیت ۔ وہدے اے آپ گوْہت بنت ، گڈا ٹال ٹال ءَ سواس ءِ گوْپَگ ءَ کارمرز بیت۔

تجی: اے ہما ساد کہ سواس ءِ توکا اِنت۔

گَڈگّ بند : سواس بند ءِ ہلاسی ءَ گُک ءِ بندگ بیت۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*