تازہ ترین
ur
بنیادی صفحہ » شاعری » مُبارک قاضیؔ

مُبارک قاضیؔ

نہ شادہءِ نہ کسی مرگءِ جار چے بگشاں

تمامیں دمک و دَر انت بےتوار چے بگشاں

 

دل انت چہ درد و زہیراں چکار چے بگشا‍ں،

منی سرء چہ شتگ ہوش و سار چے بگشاں

 

تو گپ بجن کہ تئی وازگاں گلاب رچیت،

منی کہ رنج وغم انت بےشمار چے بگشاں

 

تو وت گشئے کہ حبر کن من گپ جنئگ لوٹاں،

تو وت گشئے کہ زبانءَ بدار چے بگشاں

 

ترا چہ رند منی جاورءِ مکن جستءَ،

جبینءَ ایرروان انت کٹار چے بگشاں

 

تئی زیل و بام بلوچی ربیدگءَ چہ در اَنت

تو چے گشئے منی سازندہ کار! چے بگشاں

 

نزاناں چے منءَ منکر نکیر جست کننت،

تو قاضیؔ چیزے بدئے سوج یار چے بگشاں

 

مبارک قاضی

 

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*