تازہ ترین
ur
بنیادی صفحہ » شاعری » نوکیں شہر…..اِسحاق خاموشؔ

نوکیں شہر…..اِسحاق خاموشؔ

چینچو ویرانگی اِنت شہر ءَ تئی

چینچو بے مطلب اَنت شپ ءِ کِسّہ

چینچو رند ءَ بہ جیڑاں گوں تو من

چینچو رند ءَ وت ءَ بُشوہازاں

منزلاں نیست چیدگ ءُ کِشکے

چوں بُرودیناں سینگ ءَ عشقے

پیتکگ اَنت نْیادءِ کیمتی مجلس

قبر ءِ پیما اَنت واہگانی گِس

چینچو پِیر اَنت اے شہر ءِ دمک ءُدَر

پْرشتگنت ماڑیانی دروازگ

مردُماں کُہنیں گپّ بیحال اَنت

مردُمانی دِل ءِ سرا سِنگے

لُنٹ کُبل اَنت ءُدانک در نیااَنت

ہؤ بلئے کُہنیں یات زیبا اَنت

قبر اَست انت نشانی بیگْواہ اَنت!!

٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*