بنیادی صفحہ » نوشتانک » زندگی…..یونس دادؔ

زندگی…..یونس دادؔ

زندگی بلئے بد مہ بر

من ءَانچو گمان بوهگ ءَ انت تو کورئے

برے گوں گْوات ءَ گون ئے هاک پریچ ئے

برے گوں سهب ءِ نمب ءَ بے تاهیر کن ئے

برے بچار سارتیں شپاں مستیں گوریچ ءَ اے زرد ءِ تہا برپ ایر ریچ ئے

کدی کدی شپ ءَ روژناه کن ئے منی پاد بْرمشاں میتگ ءَ سهیگ کن ئے کہ دادؔ ءَ میتگ ءِ کندیل گون انت برے نیمگے ءَ رؤت

زندگی بد مہ بر

اگاں کور نئے گڈا الم تو اے میتگ ءِ کوردیدیں مردمانی آس ءَ نادْراه جوڑ بوتگ ئے

اے مردمانی کارپداں نہ زان ئے تو

ایشانی حال ءَ من ءَ جست کن کہ اے شپ ءَ وابیں دیدگاں دنیا ءَ گنداں ازگارانی گناهاں چیر دینت و نیزگارانی هاموشی ءَ رنگے دیاں

زندگی ترا گپے بہ گشاں؟

کور مہ بو من گشاں چماں کانٹ کن بچار منی دیدگاں اگاں یک بُوچے گندئے

یک نگاهے منی جند ءَ اوں معنا کن کہ اگاں دگہ یکے ءِ بدن ءِ بوه کئیت

گڈا ترا رزا انت منی شپ ءِ پاد برمشاں و منی میتگ ءِ کندیل ءِ رازاں سرجمیں زمانگ ءَ بگش بلئے کور مہ بو اے سیاه شپاں بازیں دادے وتی همراهی ءَ برتگ چو مہ بیت وت ءَ کور بکن ئے و هرکسی پاد برمشاں داد ءِ نام ءَ بکن ئے و منی کندیل ءَ اچ من بہ سندئے

زندگی حیال بکن وتی چماں سرجم ءَ پچ کت نہ کن ئے گڑا کانٹ بکن ئے کہ بازیں دادے گندئے

منی کندیل ءَ بل کہ

”منی زمانگ ءِ چم انت و منی دل ءِ تاهیر اِنت“

٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*