بنیادی صفحہ » نوشتانک » شاعری چی یے…..زرنگارؔ

شاعری چی یے…..زرنگارؔ

اے جیڑہ گیشتر نوکیں زمانگ و نوک باہندانی پیداوار اِنت کہ شاعری ءَ بس یک فن یے سرپد باں ۔ پمشکہ مرچی شاعری ءِ تہا مصنوعیت گندگ باز بیت ۔۔۔شاعری گوکہ فن یے  بلئے چشیں فن یے نہ انت چوشکہ تقریر ءِ فن یا تعمیر ءِ فن ۔۔ پرچاکہ شاعری ءِTool زبان انت ۔ و زبان بقول خلیل صدیقی استعاراتی نظام یے کہ ایشی ءِ زیرگ و دئیگ ءِ وتی قانون انت یا بقول شمس الرحمن فاروقی جدلیاتی لبزانی ( استعارہ تشبیہ پیکر علامت) بستار ہر وہد ءَ چہ وتی آرگ ءِ یا کارمرز بئیگ ءِ جواز ءَ مستر انت۔

اسل ءَ شاعری ءِ فن چو زندگی ءِ فن ءِ وڑا انت۔ انچو کہ زندگی ءِ یک فن یے و اے فن بورڈ ءِ سرا وانگ و پہمگ نہ بیت بلکیں ایشی ءِ واستہ عملی و اصولی صورت ءَ زندگ بئیگی انت و ہمے تجربتانی تہا گْوزگی انت کولرج یک نبشتانکے تہا شاعری ءِ سرا گپ جنان ءَگڈسرا گشیت کہ ” بلئے اے دْرستیں چیزکہ من گُشتاں انچین انت کہ سِکّگ یا دربرگ بِھ نہ باں بلکیں آستہ آستہ گوں مشق کنگ ءَ وتی تہا رودینگ بنت” همے رنگ ءَ شاعری ءِ فن ءِ دربرگ ءِ ہاترا داں مدتے ءَ شاعری کنگی انت نوں شاعر کتہ کار بیت ۔ بس لہتے نگدی نبشتانک وانگ ءَ کس شاعر نہ بیت ۔

٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*