بنیادی صفحہ » شاعری » حواؔ …..قدیر ساگرؔ

حواؔ …..قدیر ساگرؔ

حواؔءِ دیدگ

ہزار جستانی پسّواں اچ منائے لوٹنت

حواؔءِ دہ سالیں عُمرءَ انگت

حواؔ کسانیءَ وہدءَ پیسر مزن بوان ِانت

حواؔ اے تہلیں جہانءِ راستیءَ دربران ِانت

حواؔ نہ ُپرسیت چہ ماتءَ ابّا کجا اِنت نئیت اِنت

حواؔءَ ماہے کہ سرپداِنت پت شہید بیتگ

پہ ہانی ایں سرڈگارءِعشق ءَ مرید بیتگ

اے دہرءَ سہکندنیں وتی کئےو کئے دریگ ِانت

حواؔ پتءِ سنگتانی حالءَ نوں شر سئیگ ِانت

دلاورؔ ءَ لشکرانی دیمءَسلاہ چگل دات

پہ باجوئی بازیں لکّے سرکارءَ داد داتگ

گمانیؔ رپتگ گوں زال و زہگاں ماں جرمنیؔءَ

بہشتیں زندءِ بہاریں باریگءَ شادمان اِنت

ِایلُکؔ گوں چندے غریباں کوہ و اگاراں منتگ

ایلُکؔءِ چک چو حوا  ؔ شُدیگ انت

تکانسرانت پہ پتءَغمیگ انت

حواؔ دری دژمنانی زُلمءَ چہ آشناانت

چراگءِ آواری ءَ تہاری ءَ زانگءَ انت

حواؔ ءِ دل مکتبءَ چہ پُْرشتگ

حواؔءَ کاپیءِ زرّ گون نیست

حواؔءِ بوٹ ِدرتگ اَنت  اوں دیراِنت

حواؔءِ گد کْوہنیءَ دگہ رنگےءَ درا انت

حواؔءَ بیدءِ پتءَ کسے نیست

حواؔءَ اُردیءَ ہچ وسے نیست

حواؔ ءَ راجءِ ودار کُرتگ

شپاں پہ گْریوگ سہار کُرتگ

نا راجءَ آرتےو بْرنجے آرتگ

نا کسّے پہ راہگْوزی ءَ اتکگ

کئے پشپداں زندگ اِنت ؟کئے مرتگ

حواؔءَ مکتب یلہ کتگ نوں

دو وہدءِ نانءِ شوہازگءَ پہ

مروچاں میرءِ گسءَ رؤ کارءَ

حواؔ گوں ماتءَ رزان شودیت

چہ گُژن ءِ رہنءَ گسءَرا موکیت

حواؔءِ دیدگ

ہزار جستانی پسّواں اَچ منائے لوٹنت

حواؔ کسانیءَ وہدءَ پیسر مزن بوان ِانت

حواؔ اے تہلیں جہانءِ راستیءَ دربران ِانت

حواؔ پہل کن!!

٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*