بنیادی صفحہ » شاعری » مداری…..طارق پیشکانی

مداری…..طارق پیشکانی

منی دیریگیں واہگے بوتگ،کہ من محمد بیگ بیگل ؔبہ گنداں یا کم چہ کم واجہ گوں دُچار بہ کپاں یا آئی ءَ گوں حال و احوال بہ کناں، ،منی وانگ ءِ بندات چہ بیگ محمد بیگل بیتگ و پد ءَ من ہمے مار اتگ کہ من اگاں بلوچی ءَ چیزے نبشتہ کناں گڑا آ تژن و بچکند بنت، پرچا کہ منی اندر ءِ گمزدگیں مردم ءِ تب ہمے بوتگ،

گڑا یکروچے من یک وٹس اپ ءِ دیوانے ءَ جارے دیست کہ بلوچی زبان ءِ تژن و بچکندی بنشتہ کار واجہ بیگ محمد بیگل نادْراہ انت و تہت ءِ باہوٹ انت، گڑا منی بازیں جست و پرس ءَ من ءَ واجہ ءِ لمبر دست کپت۔

ہما روچ ءَ من واجہ ءِ حال و پرسی ءِ ہاتر ءَ آئرا فون کت :من گشت من طارق پیشکانی چہ مشکت ءَ فون ءَ آں، منی دیریگیں واہگ بیتگ کہ گوں تو دوچار بہ کپاں پرچا کہ تو بلوچی ءِ باز ہزمت کتگ و تو بلوچی ءَ باز داتگ

گڑا واجہ ءَ پسّو دات:  ”راست انت کہ من بلوچی ءَ باز داتگ بلئے بدل ءَ من ءَ قوم ءَ چے داتگ؟مرچی من تہت ءِ باہوٹ آں بلے آ کئے انت کہ بئیت و منی درداں کم تر بہ کنت، ہست چشیں کسے؟“۔

واجہ ءِ گپاں گوں من تُک و نک بیت آں، و ہچ گشگی نہ بوت آں گڑا واجہ ءَ من ءَ جست کت ہاں بگش ترا دگہ جستے است انت؟

من واجہ ءَ چہ آخری جست گپت واجہ! تئی آؤکیں کتاب کدی کئیت؟جذباتی بیت و گشت ئِے ہؤمنی آخری کتاب مداری انت کہ زوت کیت ۔ مداری ءَ پد داں قیامت ءَ منی دگہ ہچ کتاب نئیت۔

ہمے گپ ءَ گوں واجہ ءَ فون بند کت، من جیڑگ ءَ اتاں کہ بہ گندئے اے مداری مئے وڑیں تماشی آنی  واستا یک سبق یے۔

٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*