تازہ ترین
ur
بنیادی صفحہ » شاعری » علی بخش دشتیاریؔ

علی بخش دشتیاریؔ

⁠بیا اِت  کہ  اِدا  چہبار اِنت

نیل بومیں زرءِ شاہار اِنت

 

ساپ و ایمنیں  بندرگاہ

شیلات و گُلیں دانشگاہ

زانت و زانگ ءِ ہند و جاہ

شہرے سلّہ و پلگار اِنت

بیا اِت کہ ادا چہبار اِنت

 

ساز و زیمل و لچّہ کار

میدان اِنت تیاب ءِ بازار

وش اِنت بیگہ ءِ دریابار

کوش و وشبواں آتار اِنت

بیا اِت کہ ادا چہبار اِنت

 

دیم ءَ بندریں آزات اِنت

شوق و پرنما و گوات اِنت

عطر و وشبواں شہمات اِنت

مال ءِ زیرگ و بیپار اِنت

بیا اِت کہ ادا چہبار اِنت

 

بیلانی گچینی بارگاہ

بولان و بلوچی درگاہ

چاہ و وردن ءِ وشیں جاہ

داہم تئی چلیم سرکار اِنت

بیا اِت کہ ادا چہبار اِنت

 

***

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*