تازہ ترین
ur
بنیادی صفحہ » شونگال » میر گُل جانؔ نصیریک عہدے

میر گُل جانؔ نصیریک عہدے

چونائی ءَ گُل خان نصیرؔ ودی بُوتگ ات وَ نوشکے ءَ بلئے گوں وتی شاھگانیں پِگر ءَ وت ءَ گوں سرجمیں بلوچ و بلوچستان ءَ ہمگْرنچ  ئےِکُت کہ تاں سال و سَناں ہمے ہمگْرنچی ءَ کسّ سِست نہ کنت و آئی ءِ ہمگْرنچی گوں زبان ، لبزانک  و سیاست ءَ تاں گُڈّی وہد ءَ برجاہ ات۔آئی ئِ ہمے ہمگْرنچی پہ ہمک لبزانکی و راجمانی جُہدکاراں یک  یک گْراں بہائیں سکین یے ات۔

1921 ءَ کہ ” انجمن اتحاد بلوچستان“ جوڑ بُوت۔ چہ لاہور ءَ واتری ءَ پد گُل خان نصیر گوں گَل ءَ ہَوار  بُوت۔1936 ءَ کہ وہدے اے گَل ءَ حاصیں وڑے ءَ دیمرئی نہ کُت گُڑا ”انجمن اسلامیہ ریاست قلات“ جوڑ کنَگ بُوت  کہ میر گُل خان نصیر ایشی ءِ پاگواجہ و عبدالرّحیم خواجہ خیل ایشی ءِ کارگُشاد گچین کنگ بُوتنت۔گوں سیاست ءَ ہمگْرنچی ءَ ہَوار میرگُل خان نصیرؔ ءَ پہ بلوچی زُبان و ادب ءَ ہما گْرانبہائیں جُہد و کوشست کُت کہ چِد و پیسر اے داب ءَ نہ بُوتگ  ات۔آئی ءَ وتی شاعری ءِ تہا دائما لگتمال و بزـگیں راج ءِ جیڑہان ءَ بیان کُت ءُ راج ءَ چہ واب ءَ بُست کنگ ءِ سکین دات۔

آئی ءِ شاعری ءِ 9 کتاب چاپ و شِنگ بُوتگ اَنت۔پنچ ماں آئی ءِ زِند ءَ و چار آئی ءِ بیرانی ءَ پد۔۔۔۔۔1952 ءَ کُلّاں چہ پیش ” گُلبانگ“ پدا گوں یک نوکیں شعرے درشاندابے ءَ کہ ہمک شعر لَس مہلوک ءِ زُبان ءَ گپّ جنگ ءَ ات ” شپ گِروک“ 1964 ءَ، ” گْرند“1971،  ءَ ، ” ہون ءِ گوانک“ 1988، ” ،”پرنگ“ 1988 و ” گلگال 1993 ءَ چاپ و شنگ بُوتنت۔آئی ءِ دو دْراج کشّیں لچّہ ” داستان دوستین و شیرین“ 1964  و ” حمل جئیند “1969 ءَ چاپ و شنگ بُوتنت۔” ہپت ہیکل و جنگانی زراب“ 1990 ءَ چاپ و شِنگ بُوتگ اَنت۔ میر گُل خان نصیرؔ ماں بلوچی لبزانک ءِ پِڑ ءَ یک عہدے ءِ نام اِنت کہ آسری نہ زانت۔گُل خان نصیرؔ ءِ باہندی شاعری ءِ تہا انچیں جوش و جْوزگے اَست کہ ہمک دؤر ءُ زمانگ ءَ آئی ءِ اثر نوک بوہان بیت۔گُل خان نصیرءِؔ زِند و آئی ءِ شاعری ءِ باروا ہمینچو نبشتانک کہ نبشتہ کنَگ بُوتگ ….ہمینچو کتاب کہ چاپ و شِنگ کنَگ بُوتگ …اے گُل نصیرؔ ءِ زِند و آئی ءِ اِزم ءِ چارکے ہم بُوت نہ کننت۔گُل نصیرؔ ءِ زِند ،آئی ءِ کِرد و شاعری ءِ سرا انگت پٹّ و پول و نبشتہ کنگ ءِ زلورت اِنت تانکہ نوکیں پدریچ گیش ءَ چہ گیش گُل خان نصیرؔ ءِ شاعری و آئی ءِ جُہد ءَ بہ زانت و سرپد بہ بیت۔

شونکار

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*