تازہ ترین
ur
بنیادی صفحہ » شاعری » من پہ تو ہچ کُت نہ کُت…..سمیر طاہرؔ

من پہ تو ہچ کُت نہ کُت…..سمیر طاہرؔ

منی گُہار مہلبی

دِلوں ہزار پارسا

شپادیں تروالاں تئی

گمانی بُکچہ ئَ کناں و سر گِر اں

ہمک حسابے موکگ ءَ

ہمک تلار ءِ سینگ ءَ

ہمک گہارءِ دِرتگیں سر ءِ سریگ

کیامتے دل ءَ دینت بہارُک اے

منی گہار مہلبی

من گوں تو کؤل کُرتگ ات

من ءَپہل کن مہلبی

من پہ تو ہچ کُت نہ کت

وتا من گُشتہ شے مُرید

مُرید و ہانی ءِ وڑا

مِر اں پہ مول و ”کاز ماس“

بلے منی حُدا نہ زانت

کُشیت زندگیں چراک ءِ باتن ءَ

کُشیت کسہاں مُرادیں زندگی

من تتکگ آں چہ زندگی ءِ

مہرمیں پِڑَ

لگور و زندگی ءِ کربلا شمشتگنت

شمشتگنت شہید ءِ تاسکیںحیال

شمشتگنت غُلامی ءِ بلندیں آس

شمشتگنت شپادیں زہگ گیدی ئِ

شمشتگنت بلوچی ءِ دل ءِ تب ءَ

من ءَ پہل کن مہلبی

ہزار پشت و لانت اِنت

دلوں زریت پہ گُلزمین

دِلوں پہ کاشیں کُڈّکاں

زریت پہ کؤر ءِ ماہیگاں

دِلوں زریت پہ سنگتاں

دِلوں زریت پہ ہمبلاں

دلوں ہزار مکبت ءِ

شمشتگین آں در برات

مروچی البلوشی آں

حبر گوں موسماں کناں

جہان ءِ رنگ داتگیں

گوں وشّیاں سما کناں

بلئے اے زندگی ہزار لانتی

شگانی آں شِگانی آں

لگور جوڑ بیتگاں

من ءَ پہل کن مہلبی

من پہ تو ہچّ کُت نہ کُت!!

٭٭٭

 

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*