تازہ ترین
ur
بنیادی صفحہ » شاعری » اَشکن اِت بْراتاں…..پُلّان عُمرؔ

اَشکن اِت بْراتاں…..پُلّان عُمرؔ

اَشکن اِت براتاں من قصّہ ے کاراں

ہفتگے بیت اِنت ،من سک بیماراں

کونڈ دلءَ سَک اَنت،وپتگ و ناراں

ذال منی روچے پَندلے سازی

ہچ نزاَنت کم و ہچ نزاَنت بازی

آ نہ بیت گوں من ہجبرءَ رازی

من کُتگ ہر روچ پورٹءَ حمالی

زَر کُت اَنت شوّمءَ سُرکی و لالی

نام منی بَست ے ٹکٹرئے ٹالی

بیتاں بیمار و تہت سرا کپت اَنت

میتگءِ مردم منی چارگءَ اتک اَنت

ذال وتی پَنّ و ادلَساں گیش اَت

من چہ بیماریں جاگہءَ پاد اَتک

لَرزاں لَرزان ءَ من شُتاں چُلّءَ

چاہ کُت اَنت گرم، و آپ سَردیں زُرت

کِنتّاں کِنتّانءَ من شُتاں لوگءَ

پادے لوگءَ ، و پادے ڈّنءَ اَت

تتران بیت و وارت گُلاٹی یے

چاہ دُرہیں مہمانءِ سرا رِتک اَنت

جَت مناں مہمانءَ دو مُشت دیمءَ

شُت منی گوکءَ دِرتگیں بوٹے

وارت لگت ے من ناپگءِ چیرا

دست من جلدی پہ وتاسءَ بُرت

سے و چار بُرزا کُت ہوائی فائر

تَتک اَنت مہمان و یک پہ یک بیت اَنت

بیت بلِڈپریشئر نی منی آئی

زُرت من تہتی پادگے زَنڈیں

من زَبرت ذالءِ گردنءَ تُرندءَ

ذال منی کپت و گیجیءَ سَٹ اِت

نی من چاراِت کہ کار حراب بیت اَنت

جلدی، جلدی اوں من وتا توسینت

مردماں جلدی ڈاکٹرے آورت

ڈاکٹرءَ چاراِت داں ذال وفات بیتگ

 

٭٭٭

 

 

 

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*