تازہ ترین
ur
بنیادی صفحہ » نوشتانک » بلوچ راج دپتر…..ضمیر مجید

بلوچ راج دپتر…..ضمیر مجید

بنی آدم ءِ راج دپتر ءِ تاک چو قرآن ءَ شاہد اِنت

کرتگ بلے مرداں وطن آزات ماں لنجیں شپاں

واجہ مبارک ءَ راست گشتگ کہ راج دپتر ءِ تاک چو قرآن ءَ شاہد اِنت و ہمک راج ءِ گوْستگیں دور و باریگانی شاہدی ءَ دینت۔ ہمے وڑا اگاں ما بلوچ راج دپتر ءَ بچاراں گڈا مارا رنگ رنگیں دروشم گندگ ءَ کیت بزاں مہری، جنگ و آشوبی و دگے بازیں دروشم گندگ ءَ کیت چوش کہ شاعرے ءَ گشتگ:

بچ ءَ من وتی رودیناں

نام ءِ پِر کناں دودا ؔءِ

مہرانے دیاں دگنیا ءِ

راج دپتر ءِ پیش داراں

مہرانی ہمک دورانی

شے و حانی ءِ زند پیری

سموؔ توکلیؔ مجبوری

سسیؔ پنوؔ درگوری

شریں ہزمت ءِ یک گوری

حالانی دیاں سگاری دور ءِ

حون ءِ ہاری دور ءِ

اے دْراہ بلوچ راج دپتر ءِ شیر اَنت۔ اگاں کسے بلوچ راج دپتر ءَ سرجمی ءَ وانگ بلوٹیت گڈا منی حیال ءَ شپ روچ مٹ بنت شپ و روچ ہفتگانی توک ءَ مٹ بنت ہفتگ ماہانی و ماہ سالانی توک ءَ مٹ اَنت۔ بلوچ ءِ انچیں پراہو شاہگانیں دپترے ۔ اے تہر ءِ سرا کہ من گپ جنگ و نبشتہ کنگ لوٹاں بزاں ’’ اولی جنگ ءِ عظیم ءَ بلوچ‘‘ اے راج دپتر ءِ یک تاکے ءَ چہ گیش بستار نداریت۔

دنیا ءِ سرا یورپی طاقتانی قبضہ اَت وہدے 1914 ءَ اولی جنگ ءِ عظیم بنا بوت۔ برصغیر اے وہد ءَ پورائی ءَ انگریز حکومت ءِ تہا ات۔ برما ءَ چہ بِگر چترال ءَ برطانیہ ءِ واستا سپائیگ بہرتی بیئگا اتاں۔ مسلمانانی گڈی نشانی سلطنت ءِ عثمانیہ ءَ ہتم کنگا اتاں۔ اے وہد ءَ نقشہ ءِ تہا مستریں قوت بلوچ اتنت۔ بلے بلوچ ہم انگریزانی دست ءَ اتنت بلے بلوچانی دل ءَ اِشانی واست ءَ بید ءِ اسد ءَ ہچ نیست اَت۔ ہر وہدیکہ انگریزانی ہلاپ ءَ بغاوت بوت بلوچ اولی سْرپ ءَ اتنت اولی عالمی جنگ ءِ بُن گیج بوہگ ءَ گوں بلوچستان ءِ ایجنٹ گورنر جنرل درستیں سردار کوئٹہ ءَ لوٹائینتاں و آہاں چہ انگریز فوج ءِ واست ءَ سپائیگ ءِ دیگ ءِ لوٹ کت۔ بلے سرداراںتچک ءَ تچک نہ دیگ ءِ پیسلہ کت۔ اے وہد ءَ سردار خیر بخش مری ءَ آئی ہمبل سردار نوریں مینگل مینگل ءِ دوست نورا مینگل و نواب خان محمد زہری وتی وتی ہند و دمگاں آجوہی ءِ واست ءَ جہد کنگا اتنت۔ بلے گیشتر بستار واجہ خیر بخش خان مری ءَ گپت۔ راج دپتر گشیت کہ برصغیر ءِ دْراہیں راجانی تہا بلوچ اولی راج اِنت کہ انگریز ءِ ہلاپ ءَ آوازے چست کتگ ہمے نیام ءَ ترکی ءَ خان محمد ءِ چیردستی ءَ پرنگی حکومت ءِ ہلاپ ءَ سِلاہ چست کت۔ حیر من پدا وتی بُن راہ ءِ سرا کایاں ۔ انگریز حکومت ءِ واست ءَ المی اَت کہ خیر بخش خان مریءَ راستیں راہ ءِ سرا بیاریت۔ سردار ءَ را ہرچ وڑیں لالچ دئیگ بوت سردار ءَ نہ منّ اِت گڈا سردار خیر بخش مری ءِ سرا سِلاہ کامرز کنگ بوت۔ بلوچاں ہم خیر بخش ءِ چیردستی ءَ جنگ ءِ بُن گیج کُت ۔ بلوچاں وتی اولی ہملہ کوہلو ءِ انگریز تہانہ ءِ سرا کت۔۱۹۱۶ انگریزانی قلعہ ءِ سرا قبضہ کنگ بوت بلے بازیں مری یے شہید کنگ بوت۔ یو اے اُرد (فوج) ءِ گوما دیم پہ دیما جنگ ( ہڑپ ءِ ) جاگاہ ءِ سرا بوت۔ انگریزاں گوں وتی نوکیں سِلاہاں ۳۰۰ ءَ چہ گیش بلوچ شہید و ۱۰۰ ءَ چہ گیشتر ٹپی کت و بازینے گپت و ماں زندان ءَ سزا دات اِشانی تہا خیر بخش خان مری ہم گون اَت۔ جنگ ہلاس بوت خیر بخش خان مری معاپ کنگ بوت و انگریزاں پدا سردار جوڑ کت و گشت کہ ما اُمیت کناں سردار پہ انگریزانی تاگت ءِ دیم پہ دیمی ءِ جہد ءَ نہ کنتو وپادار بیت سردار خیر بخش خان مری ءَ گشت منا ہم سِتک اِنت کہ دیمترا برطانیہ ءِ سرکار کدی ہم بلوچ نلوٹیت پہ بہرتیاں۔ سردار خیر بخش مری ءَ ۱۹۲۵ وفات کت ۔ جنگ ہلاس بوت بلے بلوچاں پدا ہم مزاہمت کت اے مزاہمت جہالاوان ات اودا حکومت ءِ ہلاپ ءَ عام بغاوت ءِ حال شنگ بوت اے بغاوت ءِ توک ءَ بازیں راج ہوار اتنت بلے بلوچ اولی سْرپ ءَ اَت اِشانی تہا مزنیں نام نواب محمد زہری ءِ نوردین مینگل ءَ و نورا مینگل یے گپت انت۔ جہد ءِ بُن گیج چہ آغا نواب خان محمد زہری ءِ سیمسراں چہ بوت و ہمے دور ءَ انگریز فوج نواب خان محمد ءِ ہتم کنگ ءِ واست ءَ رہادگ بوتنت۔ سردار خان محمد صاحب چہ سرداری ءَ در کنگ بوت بلے سردار ءِ پلا مرزی ءَ گیش پیداک بوت کمی ءِ بدل ءَ ۔ اے مچّی ہم رہادگ بوت پہ مزاحمتی ءَ بلے راہ ءِ نیم ءَ اِشاناں کمک ءِ واستا کہ اے زبردستی آشوب ءِ کمک ءَ شت اَنت انگریزانی پندلاں چہ سردار خان محمد ءِ ہلاسی آئی وتی برات میر نورور خان ءِ دست ءَ بوت ۔ شپ ءِ وہد ءَ سردار چاریت کہ برات ءِ تُپنگ منی سر ءِ توکا اِنت گڈا سردار نور دین مینگل ءَ وتی دوست سردارشہباز خان ءِ ہمراہی ءَ فوجی سامان ءِ آرگ ءَ شُت اَنت ۔ ایران ءَ بلوچ وت جنگ ءَ اتنت ہمے واستا اِشاناں ہچ کمک نہ رَس اِت۔ ایران ءِ تہا سردار جیئند خان ءَ سردار خلیل خان جنرل ءَ داں شش ماہ ءَ جنگ کت۔ چش کہ برطانیہ نوک سِلاہ اتنت بلوچانی توکا ایوکا بہادری و ایمان ءِ جزبگ است اَت برطانیہ ءَ خلیل خان شہید کت و سردار جیئند خان ءَ وتی جاورانی نہ گیگی ءِ وجہ ءَ دست چست کتنت۔ آئی آشوب ءِ ہلاسی ءِ ذمہ واری جلیا نوالہ ءِ زانتکار ءِ خطاب جنرل ڈائر گون اَت۔ آ خر کار آ وتی مشن ءَ سوبین بوت۔ اے جاورانی تہا زاہریں کہ سردار نوردین مینگل ءَ چہ کمک رسیت آہاں واتر کت و چہ ایرانی بلوچستان ءَ آہانی پش کپتگیں لشکر انگریز فوج ءَ چپ و چاگرد جت انگریز فوج ءَ چراہاں سِلاہ ءِ لوٹ کت۔ نورا مینگل ءَ وتی سردار و دوستاناں سِلاہ ءِ دور دیگ ءِ بدل جنگ ءِ مشورہ دات۔ بلے نوردیں ءَ شہباز خان گرگناڑی ءِ ہمراہی ءَ وتارا انگریز حکومت ءِ دست ءَ دات۔

بلے نورا مینگل ءَ وتی سِلاہ دور نہ داتنت۔ انگریزاں آئی ءِ گرگ ءِ باز جہد کت بلے آ سوب مند نہ بوتنت۔ خاران ءِ سردار میر حبیب اللہ خان نوشیروانی ءَ نورا مینگل ءَ را افغانستان ءِ تہا سر کنگ ءِ ڈبہ سردار نوشیروانی ءَ وتی سرا زُرت و نورا مینگل ءَ وتی مہمان جاہ ءَ کت ۔ بلے گرم ءِ وہد ءَ نورا مینگل آئی ءِ مہمان خانہ ءَ واب ات کہ نوشیروانی ءِ حُکم ءَ خارانی فوج ءِ سپاہیاں واب ءَ چہ پاد کت و سانکل دستاں داتنت۔ پدا انگریزانی دستاں دات۔ آئی سرا کوئٹہ ءَ کیس چلائینگ بوت و سردارانی جرگہ ءَ عمر قید دیگ بوت۔ ۱۹۲۱ ءَ نورا مینگل حیدر آباد سندہ جیل ءَ دائمی آزات بوت۔

میر گل خان نصیر نبشتہ کنت کہ ۱۹۱۴ ءَ جنگ ءِ عظیم ءِ تہا جرمنی ترکی ءِ ہواری ءَ گوں اسلام ءِ ہمدردی ءَ جرمنی ءِ نیمگ ءَ بوتگ۔ ایران و ایرانی بلوچستان ءِ راہ جرمنی ءَ ترک ءِ پروپکنڈی ہم است اَت بلے واجہ دیما گوشیت کہ انگریزانی ہلاپ ءَ وت ماں وت تبلیغ بوتگ ات۔ ہندوستان ءِ نیمگ ءَ ہم جنزے چست بوتگ اَت۔ بلے بلوچ چہ دُرستاں گیشتر اثر مند بوہگ ءَ اَت۔

برحال بلوچانی وتی وطن ءِ سرا انگریزانی سرکار ءِ حاکمی ءِ ہلاپ ءَ جہاد ءِ جار ءَ جہد ءَ مشکول بوتنت و چو کوہ مِک بوتنت بلوچانی اے کردءَ راج دپتر کدی بے حال نہ کنت۔

 

 

 

٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*