تازہ ترین
ur
بنیادی صفحہ » شونگال » لبزانکی نگدکاری

لبزانکی نگدکاری

اے گپّ شاہدی و گْواہ نہ لوٹیت کہ کُجام ہم زُبانے ءِتہا نگدکاری ہما وہدی ودی بیت کہ ہما زُبان ءِلبزانک ءَدیمرئی کُتگ۔لبزانک ءِسراچگ ءِہاتر ءَآئی ءِسراچوک بِزاں نبشتہ کار ءِبُوہگ الّمی اِنت۔نبشتہ کار،سساساچ و نگد گوں یکّے دومی ءَہمگْرنچ اَنت۔نبشتہ کار و سساساچ ءِمیان ءَچہ پیسرءَیک سیادی و ہم  پتی یے بیت۔و سساساچ و نگد ءِ(یا نگدکارءِ)سیادی رند ءَبیت۔اصل ءَسساساچ ءِہستی گوں نبشتہ کار ءَبندوک بیت۔بِزاں نبشتہ کار،چونیں تب،ہیال ،لیکہ یے ءِِمردُمے بیت تہ  آئی ءِسسا ساچ  ہم ہما پیما بیت۔گیشتر ہمے گُشگ بیت کہ لبزانک وتی چاگرد ءِآدینک اِنت ۔بلئے اے کُہنیں لیکہ یے  وگپّ پمیشکا راست  نہ اِنت کہ چاگرد تُریں ہر وڑ ءَبہ بیت ،لبزانک ہما وڑءَبیت کہ نبشتہ کار ءِدِل بُلوٹیت۔بازیں گپّ کہ چاگرد ءِتہا ہچ جاگہ گندگ نہ بنت ۔بلئے لبزانک ءِتہا آ است و حیات اَنت ولبزانک ءِتہا آہانی باروا ہبر بیت۔ہمے وڑا بازیں شے کہ چاگرد ءِبَہر اَنت،لبزانک ءِتہا ہچ جاگہ آہانی باروا ہبر نہ بیت۔پمشکااے گُشگ کہ لبزانک چاگردءِآدینک اِنت یا چاگرد ءِرندگِیر اِنت،راست نہ اِنت۔راست وَ ایش اِنت کہ نبشتہ کار چاگرد ءِفردے۔چاگرد ءِرندگِیر نہ اِنت۔نبشتہ کاربا زوہد ءَچہ وتی چاگرد ءَیاگی بیت و وتی چاگرد ءِوتگڑیں راہ و رہبنداں نہ منّیت  وآئی ءِبستگیں دیوالاں دَور دنت و سر گْوزیت۔چیا کہ آئی ءِوتی جتائیں آئیڈیالوجی یے بیت کہ آئی ءِرہشونی ءَکنت۔سیاست و اخلاقیات(کہ اِشانی گوں نیکراہ ءَمزنیں سیاد  ی  یے بیت)دوئیں چاگردی چیدگ اَنت و ہرچ چاگرد کُجام نا کُجام وڑے ءَسیاسی،نیکراہی  و اخلاقی گُکّاں گوں ہمگرنچ بیت۔ نبشتہ کار ءِآجوئیں تب، آئیءِیاگی ایں پگر یا آئیڈیالوجی چاگردی ادارہانی لیکہ و آہانی رہبنداں سد درسد منّگ ءِپابند نہ بیت۔

یک نبشتہ کارے ءِگوں وتی سساساچ ءَمزنیں سیادی و ہمگرنچی یے بیت۔اگاں شرّی ءَچارگ بہ بیت تہ لبزانک چاگرد ءِآدینک نا،بلکیں وتی سْراچکار بِزاں نبشتہ کار ءِزانت ءِآدینک بیت۔اے آئیءِپگر،لیکہ و آئیڈیالوجی ءِدرانگازی ءَکنت۔نبشتہ کار چہ وتی سساساچ ءَہمینچو نزّیک بیت ،ہمینچو چہ نگد یا نگدکار ءَچہ گِستا بیت۔نبشتہ کار ءَگوں نگدءَکار نیست۔بلئے نگد یا چوش بُگُش نگدکار ءِسیادی گوں سساساچ ءَہم بیت و آئی ءِسازوک  نبشتہ کاراں گوں ہم۔

نبشتہ کارءِتچک ءَسیادی گوں سسا ساچ ءَ وَ است اِنت۔ بلئے  نگد یا نگدکار ءَگوں آئی ءَہچ وڑیں ہمگرنچی نیست۔بلئے نگدکار ءِسیادی گوں سساساچ ءَاوں است اِنت گوں نبشتہ کار ءَہم۔نگدکار و نبشتہ کار ءِمیان ءَہمگرنچی یک نیمگی اِنت وہدیکہ  سساساچ و نگدکار ءِمیان ءَسیادی دو بندی اِنت۔نگدکارو نبشتہ کار ءِاے ربیتی سیادی ءِسرا نہ ایوک ءَروسی ہئیت پسنداں مزنیں ڈکّے جتگ ،بلکیں عملی نگدکاری ،نوکیں نگدکاری،نوکیں جہانی نگدکاری،ساختیاتی و پد ساختیاتی نگد و درشاندابی نگد ءِزانتکاراں اوں نبشتہ کاراں ہستمان ءِنفی کنان ءَایوک ءَسساساچ ءَرا وت منّ اتگ و نگدی لوٹ پیلو کتگ انت۔ربیتی لبزانکی  نگدکاریءِشونشت ءَسساساچ نگدکار ءَوتی نیمگ ءَکشّیت  ونگدکار ہمے لیکہ ءَتاں وانوک ءَسر کنت۔

شونکار

 

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*