تازہ ترین
ur
بنیادی صفحہ » شاعری » مُلا فاضل

مُلا فاضل

مَرگ ءِ شیئر

شُکراِنت کریم ءِ برکت ءَ

صبر و سکوت و خلوت ءَ

صلوات پہ نام ء حضرت ءَ

راستے کہ مرگ ءِ ساہت ءَ

دل جوش جنت وت پہ وت ءَ

دُرست چہ خُداءِ حکمت ءَ

گوُاراَنت رگام بے مُدّت ءَ

سبزیں بہار بَر نوبت ءَ

فانی بنت پہ مُہلَت ءَ

بیا اِت عریفین ہَمبلاں

جَزمان کہ یک روچے مِراں

رُوح چہ قفص ءَ بال کنت

اے قالب ءَ کئے سوال کنت

دُرست گُش اَنت کہ لاشَہے

دِیرئے کن اِت کہ سلہے

مَرگ ءَ کس ءَ نیست گلہے

بنداَنت کَنک ءَ کِلہے

غُسلان پہ تعظیمے دیئنت

مَعرم منی چار و سے اَنت

من وت نزاناں کے کے اَنت

خیش وکس اَنت یا ذَنی اَنت

وہدے جنازہ دُرست بیت

مہپَل کبیہیں سُست بیت

تہت چہ داورءَ چِست بیت

چار مردمئے کنت کوپگ ءَ

ہلک ءِ نچار اَنت گریوگ ءَ

بَراَنت ئے پہ یک گرم و جلے

داراَنت یہ سیہ ڈانی سرے

کاینت مُسلمان یک دَرپے

پہ مَیت ءَ بندانت سَرپے

پیر ے اگاں پیر ذالگے

گُوالے یاکہ شُوانگے

یاسَید ءِ اوبادگے

مال ئے سفیدیں جامگے

روت پہ مُقیمی خانگے

مُلا چار تَکبیر گُشیت

سَرپ بستگیں رندےَ پروشیت

بَراَنت ئے مان قبر ءِ لَب ءَ

سر دست ءئے زورانت مرحبا

ایرئے دیئنت گور ءِ تہ ءَ

ناداَنت ئے ماں ہندءِ بُن ءَ

دیم ءِ دئینت ماں قبلہ ءَ

سِگان دئینت ہندءِ رہ ءَ

پانیگ ئے بنت چو مونس ءَ

اُستا بمینیت ہاک و گِل

بارئے دئینت پہ جان و دل

واننت درود ءَ حُرمت ءَ

بخش اَنت پہ روح ء میت ءَ

آئیءِ سپارت پہ خُدا

وت بزانت وتی نیک و بد ءَ

سے۳ روچ ءَ پُرز و مجلس انت

دوستاں پہ زار و بش بش اِنت

گم گوں پِت و ماتاں بیت

تاوان ئے گوں براتاں بیت

سر روت ہماکہ زیان بیت

ذال ءِ خبر آسان بیت

ذال کہ مُقیمی کرگز ایت

چندے دگے روچ گوزایت

آچندان شموشکار بیت

بِیکاں مُشیت سیاہمار کنت

سر چادرے اَلبار کنت

سر کوپگاں سیمکار کنت

سر پنجگاں رنگ دار کنت

چم کنجل و انوار کنت

بَچ و جِنکان وار کنت

سوسن رواجے یار کنت

جُست چہ ہمک بازار کنت

ٹِل ملگے درکار کنت

درقد ءَ آجود سگے

ذالءِ دل ءَ شیر ملگے

قوم ءِ دل ءَ بد مردگے

آمُرتگ و اے زندگے

فاضل مکن گمراہی ءَ

گال و شَکر گفتاری ءَ

گِپتگ ترارا واری ءَ

انچو ملک دیناریءَ

مُلا فاضل

 

&٭٭٭

 

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*