تازہ ترین
ur
بنیادی صفحہ » نوشتانک » کارل مارکس(1883-1818)….. ق۔اے بلوچ

کارل مارکس(1883-1818)….. ق۔اے بلوچ

سائنسی یکجاہی ءِ حاصیں نام کارل مارکس 1818 ءَ جرمنی ءِ میتگ ٹرائیر ءَ ودی بوتگ۔ آئی ءِ پت یک قانون دانے بوتگ 17 سال ءِ عمر ءَ کارل مارکس ء قانودی زانت دربرگ ءِ واستا بون یونیورسٹی ءَ داخلہ زرت۔ آئی چہ پد آ برلن یونیورسٹی ءِ شت۔ آخر کار آئی ءَ راجینا (Jena ) یونیورسٹی ءَ فلسفی ءِ توک ءَ پی ایچ ڈی ءِ ڈگری دئیگ بوت و پدا مارکس ءَ صحافت ءِ تہا وتی گام دور داتنت و کمو مُدّت ءَ کلون ءِ تہاRheinech zettaing) ) ءِ مُدیر بوت۔ وتی آشوبی و سیاسی نظریاتی وجہ ءَ چہ آ جلدی مشکلاتانی تہا گار بوت و پدا پیرس ءَ شت ہودا آئی ءِ ملاقات گوں فریڈرک ایجلنہ بوت۔ دوئینانی تہا جہلانکی ءَ گوں ذاتی و سیاسی دوستی بوت۔ داں زند ءِ آسر ءَ قائم بوت۔ اگاں چے ہر یکے ءَ وتی وتی نام بازیں کتابے نبشتہ کت آہانی ذہنی نزیکی انچو  باز اَت ک آہانی یکجاہ کتگیں کار یک انسانے ءِ سوچ و فکر ءِ آسر در اتکگ اَت ۔ مارکس ءَ را جلدی چہ فرانس ءَ کشّگ بوت و آ برسلز ءَ شُت ۔ 1849 ءَ آئی وتی اولی کتاب (Philosphy of Parerty ) کشّ اِت۔ ایشی ءَ چہ پیسری سال ءَ آئی ءَ و اینجلز ءَ ہوری ءَ (Commuinst Menifest) نبشتہ کت کہ آئی ءِ دْراہاں چہ گیش وانگی کتاب ءِ ! ہمے سال ءِ آخر ءَ مارکس کلون ءَ واتر بوت بلے چیزے ماہ ءَ چہ پد آ پدا کشگ بوت۔ پدا لندن ءَ شت ہودا آئی ءَ وتی پش کپتگیں زندگی گوازینت۔ اگاں چہ مارکس بحیثیت صحافی کمو زرّ کمائینت بلے آئی ءَ لندن ءَ گیشیں وہد سیاسیات و معاشیات و کتابانی نبشتہ کنگ و پٹ و پول ءَ پدی کت۔ دہ سالانی تہا مارکس و آئی ءِ لوگ ءِ معاشی حالت ءَ را اینجلز ءَ کوپگ دات۔( Daskapital) ءِ اولی تاک چو کہ مارکس ءِ مزن تریں کارنامہ یے ءَ چہ یکے اَت 1867 ء ءَ شنگ و تالان بوت 1883 ءَ مارکس ءِ مرگ ءِ وہد ءَ دگہ دو تاک انگت ءَ سرجم نہ اَت اتنت۔ پدا اینجلز ءَ مارکس ءِ پشت کپتگیں مجموعہ و یاداشتانی کمک ءَ چہ سرجم کتنت۔ مارکس ءِ مرگ ءِ وہد ءَ ہچ ملکے ءَ آئی ءِ نظریاتاناں وتی نہ کرتگ اَت۔ بلے ہمے کرن ءَ چہ بازیں مملکتاں بزاں روس و چین کمیونسٹ حکومت قائم بوتگ اتاں و درزنے دگہ ہم آئی ءِ تعلیمات ءَ چہ ہمگرنچیں تحریک بندات بوتنت و ہمے تحریکاں مضبوطی گپت۔ ہمے ماکیٹ ٹولیانی چست و ایر ءَ چہ پروپیکنڈہ کُشت کوش دہشت گردی و اقتدار ءِ حاصل کنگ ءِ جہد ءَ چہ نہ منّگ ترس ناکیں زُلم و اقتدار ءِ حاصل کنگ ءَ چہ پد حون ریچی ءِ کرد ءَ چہ دگنیا ءِ تہا مدّتے آ داں پُرشت و پروش کنگ بوت۔ ہمے چست و ایر ءَ چہ یک اندازے ءِ مطالبہ دہ کروڑ مردم ءِ مرگ ءِ ارجان بوت۔ تاریخ ءِ تہا اے پیمیں دگہ ہچ فلسفی نہ گْوستگ کہ آئی ءَ وتی عہد ءَ چہ سد سال ءَ پد ہم اثر انچو گران و مضبوط بوتگ، بلکیں منی وڑا ترا ہم یقین بیت کہ مارکسزم سیاسی و معاشی وڑا چہ تباہ کُن و برباد بوتگ۔ بلے چشیں ارزانیں تحریکے نہ اِنت گیشتر اے نشاندہی کنگ بوتگ کہ مارکس ءِ معاشی نظریہ بے حد غلط و رَد اِنت، مارکس ءِ بازیں آئوکیں پیشن گوئی گیشتر رَد ثابت بوتگ اَنت۔۔۔! مثال ءِ ہبر ءَ آئی اے پیشن گُشتن کہ سرمایہ دار ملک ءِ کارندہ وہد ءِ گْوزگ ءِ ہمراہی ءَ در جہ در غریب تر بوّان بنت بلے اے وڑ نہ بوتگ، مارکس بازیں مردمانی صنعتی مزدور بوہگ ءِ وجہ ءَ چہ ہم بنت انت و تہنا چنداں چہ یکے سرمایہ داری ءِ درجہ ءَ سر بنت انت۔ اے واضع انت کہ اے پیم ہم نہ بوتگ آئی ءَ اے کار ءِ سد یقین اَت کہ ودّوکیں مشینی دیمروی ءَ چہ سرمایہ داراں فائدگ کم بیت انت اے نہ تہنا غلام بلکیں مزنیں احمقی یے! پیشن گشتن ءِ خواہ آئی ءِ نظریات راستاں یا دروگ بلے مارکس ءِ اثر اتاں چہ چریشی ءِ ہمسیادی باز کم انت۔ یک فلسفی ءِ مزنی آئی ءِ نظریاتی دراہی ءِ سرا نہ بنت اِنت۔ بلکیں اے گپ ءِ سرا بنت انت کہ مردماناں نظریات ءِ دیم ءَ دلگوش گْور بکن اَنت۔ اے بُن ہشت ءَ مارکس بے شک لائق ءِ توجہ اِنت۔ مارکسٹ ءِ تحریک چاربُنکی تصورات ءِ سرا زور داتگ۔

(۱) چندیں مردم دولت ءِ رُپت و روپ ءَ زندگی گوازینیت بلے گیشتر کارندہ کنگال بنت اِنت۔

(۲) اے نا انصافی ءَ را راست کنگ ءِ وڑ و ڈول یکجاہی نظام برجاہ دارگی اِنت بزاں کہ یک انچیں نظامے کہ آئی ءِ پیداور جند ءِ ملک ءَ نہ بلکیں حکومت ءِ ملکیت بنت اَنت۔

(۳) گیشتر حالات و اے چاگرد ءَ را قائم کنگ ءِ واستا جبر و زوراکی ءِ انقلاب انت، آشوب انت۔

(۴) اے یکجاہی چاگرد ءَ رہبر دارگ واستا کمیونسٹ پارٹی ءِ زوراکی مزنین مدّتے ءَ داں برانز کپگی انت۔

ایشی ءَ چہ پیشتر سئے حیالاں مارکس ءَ چہ باز ساری پیش کنگ بوتگ اتنت۔ چارمی نظریہ مارکس ءِ حیال (منّت کشّ درجہ ءِ زوراکی) چے نیمگ و نیم سوئیں وڑا دیم ءَ آئورتگ تا ہم سویت زوراکی ءِ دور ءَ مارکس ءِ نبشتہانی، لینن و سٹالن ءِ اقداماتانی نتیجہ انت۔ ہمے حاطرا لہتیں مردماں اے دعویٰ کتگ کہ کمیونزم ءِ سرا مارکس ءِ اثر حقیقی نہ انت بلکیں انچیں یک نامے! آئی نبشتانکاناں ہمے احترام دیگ یک انچیں ردانکی نمائش ءِ! اے انچائیں حیال و حکمت عملی ءَ کہ سائنسی جواز ءِ دعویٰ کنگ ءِ کوشش انت، تو برحال اختیار کنگی اتنت۔

 

٭٭٭

 

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*