تازہ ترین
ur
بنیادی صفحہ » شاعری » گُڈّی بازی اِنت …..رفیق ابدالؔ

گُڈّی بازی اِنت …..رفیق ابدالؔ

اے مہرے نہ اِنت جنگے

مامہروان بیتگیں مہر داتگ

تونہ زانتگ کہر شانتگ

زانت ءِ حُدا بند لیک اتگ جند وتی

پادمال کَنگ تئی سنچ ءِ سرپدی بیتگ

مسلمان ءِ پہ دین ءَ ندر بئیگ

تئی حیال ءِ نزوری ءَ

نا سرپدے زانتگ

تو میاریگ نہ بیتگئے

تئی دود ءَ ترا ہنچش پرماتگ

مئے ربیدگ ہنچش انت

مارا گوں پرنگاں سرپہ سری

مئے مستریناں پرماتگ

چگبور داتگ اَنت

پروش وارتگ اِش

چو روباہ ءَ گوں ٹگیاں

نوکیں پندل ساز اِتگ

مئے دیار گوں سرجمیں راج ءَ

بہر و بانگ کتگ

ماسرنہ داتگ جان داتگ

ارواہ ءِ پرواہ نہ بیتگ ہجبر

اے دہ روچی یا دہ سالی

چشیں چار و بیچار نہ بیتگ ہجبر

سرا اتکگیں ہرپیمیں جیڑہ

گوں دل و جاناں وش اَتک کتگ

انگت انچش اِنت

کرنانی کرن انچش بیت

تو دلجم ئے چونیں ردی یے

سر زد بیتگ اَچ تو

ما ہم سرپدیں جند ءِ ردی آں سرجم ءَ

کہ پلگاریں چماں گوں چار اِتگ

پلگار شرّی ءَ روچ ءَ زاہر اِنت

نیست اِنت ہچی کہ چیر و اندر اِنت

چار و بیچار نہ بیت شاہیم ءِ سرا

نہ کہ جنتر ءِ آسیبیں گر ءَ

نہ کہ میتگ و ناں کہ سنگر ءَ

مہر و دوستی اِنت لئیب و گْوازی اِنت

نی پہ ہرکسءَ گُڈی بازی اِنت

اللہ چہ کئے ءَ باریں رازی اِنت

 

 

٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*