تازہ ترین
ur
بنیادی صفحہ » شونگال » میر غوث بخش بزنجو

میر غوث بخش بزنجو

میر غوث بخش بزنجو یک عہد سازیں شخصیتے ءِ واہُند اَت۔آئی ءِ پیرُک سردار فقیر محمد بزنجو ماں ۱۸۳۹ءَ محراب خان ءِ حکومتی ءِ زمانگ ءَ مکران ءِ گورنر اَت۔آ ،تاں مزنیں مُدّتے مکران ءِ گورنر ات۔

لینن ءِ گُشگ اِنت کہ ہمک زمانگ ءِ یک اسپارٹیکس یے بیت۔فرق و درک  ایوک جاور و وہد  ءِ وئیل ءُ جیڑہانی بیت۔اگں ناہچ وڑیں جُنز چہ اسپارٹیکس ءَ ہالیگ نہ بیت۔چہ تہا کْواپگیں  ظالمانہ نظام ءِ ہلاپ ءَ ہمک جُہدءِ سروک وتی دؤر و زمانگ ءِ اسپارٹیکسے بیت۔

فرسودگیں نظام ءِ ہلاپ ءَ راستی ءِ جارجنوکانی تہا اسپارٹیکس ءِ حوصلہ، ہمّت و وتی مہلوک ءِ گوں کمٹمنٹ زوراکیں نطام ءِ ہلاپ ءَ پاد آؤکیں جُنزانی گیمُرتگیں ارواہاں بودے مان کنت۔

یک انچیں مُہکم و راجدوستیں شخصیت یے میر غوث بخش بزنجو اِنت۔میر غوث بخش بزنجو یک جُنزے ءِ نام اِنت۔

علیگڑھ ءِ پُرایمنیں سیاسی سُر وپُرانی زمانگ ءَ میر بزنجو مسلم لیگ ءِ بجاءَ کانگریس ءِ پلہ مرز بُوت۔چار سال ءَ تاں ہمودا اَت۔ پدا ۱۹۳۸ءَ میٹرک کنگ ءَ پد واتر اتک۔ ماں نال ءَ سُور ءُ سانگ ئیِ کُت۔ ۱۹۳۸ءَ ماں کراچی ءَ بلوچ لیگ ءَ ہَوار بُوت۔ہمے گَل ءِ پلیٹ فارم ءِ سرا ماں قلات ءَ قلات نیشنل پارتی ءِ سالینگی کنونشن ءَ ہوار بُوت ءُ پدا ہمیشی ءِ اُگدہ دارے جوڑ بُوت۔

مارچ ۱۹۴۸ءَ بابا بزنجودزگیرکنگ بیت ماں خضدار بندی جاہ ءَ بندی کنگ بیت۔۵۴ ءَ کہ کمیونسٹ پارٹی ءِ سرا بندش جنگ بیت تہ میر غوث بخش بزنجو ءَ گوں وتی ہمراہاں استمان گَل ءِ بُن ہِشت ایر کُت۔دیمترا ہمے گَل گوں پاکستان ءِ نیشنل پارٹی ءَ ہَوار کنَگ بُوت۔

گوں قلات اسٹیٹ نیشنل پارٹی ءَ میر صاحب ءَ وتی سیاست بندات کُت۔

NAP و PNPءِ سیاسی ءِ سفر ءِ تہا میرغوث بخش بزنجو ءَ مزنیں جُہدے کُت۔

تقسیم ءِ ہند ءِ سرکاری جار ءِ دو روچ ءَ چہ پیسر بزاں ۱۲ اگست ۱۹۴۷ءَ قلات ریاست ءَ وتی آزاتی ءِ جار جت۔۱۲ ؍دسمبر۱۹۴۷ءَ قلات ریاست ءِ نوکیں پارلیمان ءِ اولی مراگش بُوت۔کہ اے نوک گچین بُوتگیں باسکانی سوگندی مراگش ات۔

ہمے مراگش ءِ تہا میر غوث بخش بزنجو ءَ تران کنان ءَ گُشتگ ات کہ ایوک ءَ نیکراہ مُلکانی جوڑِشت ءِ سَوب جوڑ نہ بنت بلکہ مکسد ءِ ہاترا دگہ پِڑاں ہم جُہد ہژدری انت۔

۱۹۶۴ ءَ کہ NAPدو ٹُکّراں بہر بُوت تہ میر صاحب گوں وتی ہمراہاں NAPءِ ولی گروپ ءِ تہا ہَوار بُوت۔۱۹۷۰ ءِ گچینکاریاں مشرقی پاکستان ءِ تہا عوامی لیگ، ماں سندھ و پنجاپ ءَ پیپلز پارٹی، وہدیکی NAPءَ ماں خیبر پختونخواہ و بلوچستان سوبمندی رست و جمعیت علمائے اسلام ءِ ہواری ءَ ماں پختونخواہ و بلوچستان ءَ ہواریں حکومتے جوڑ کُت۔میر غوث بخش بزنجو یک زانتکار، پہتہ کار و کوّاسیں سیاست زانت یے ات ۔آئی ءِ فلسفہ و پیغام ماں راجدپتر ءِ تاکدیماں مُدام برجاہ مانیت۔

 

 

شونکار

٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*