تازہ ترین
ur
بنیادی صفحہ » شاعری » نود شنزگ ءَ بہ بنت…..مُنیرمومن

نود شنزگ ءَ بہ بنت…..مُنیرمومن

من انچیں وہدے درکپاں

کہ نود شنزگ ءَ بہ بنت

تو انچیں روچے سربگر

منارا کِشک پیچگ ءَ بہ بنت

بلوکیں شہر دیگر ءِ تئی دِیدگاں ہوار بیت

تو بے توار ءَ سر بگر

اے آزمان ءِ آژناگیں ماہ راہ ءَ گار بیت

شُہاز ءِ تاب پررِچنت

اے موسم ءَ گوں دوچی ایں گُداں

فقیرے ءَ بدئے

اے درتہ پُچّیں واہگاں اے واباں چورئیں

ماں کاپرے ءَ ماں بہ جن

وتی تو رنگ ءِ مہروانی ءَ اوں

نیزگارے ءِ امانت ءَ بدئے

ساہگ ءَ رضا بِدئے

کہ پہ وتا اوں مردُمے شُہاز کنت

منا مہ جیڑ ساعتے

کہ زہیریں تاسے ءِ تہا من ایر رِچان باں

یا کوہنیں کُمبے ءِ بُن ءَ اوں پش کپاں

داں اَنچیں موسمے کہ

نود شنزگ ءَ بہ بنت ترا

٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*